1. Cerita Kaping Siji
Iki gurit kang
kaping siji
Kang miwiti apa-apa kang wigati
Wiwiti saka lair nganti kepati
Ing duwur bumi nganti mati
Gurit iki dak anggo miwiti
Pakuliahan ing dina iki
Karo kanca sing sapa durung ngerti
Golek ilmu
kanthi ngati-ati
Kaping siji sing kanggo miwiti
Atur dedonga marang Gusti
Gusti kang murbeng dumadi
Slamet lan ngati-ati ora lali
Ing pakuliyahan dina iki
Supaya ora gampang lali
Marang kedadeyan dina iki.
2. Urip iki
Iki sing
jenenge urip
Apa-apa krasa ora kepenak
Yen pengen penak kudu gumregah
Gumregah golek
gawe pakaryan
Pakaryan sing kasil kanggo mangan sesuk
Mangan supaya kuwat olehe nyambut gawe
Gaweyan rampung sembahyang ora lali
Kanggo ngabekti
marang Sang Gusti
Gusti siji kang murbeng dumadi
Kanggo sangu
nalika tekan pati
Supaya ora kaya wong sing ora ngati-ati
Sing duweni
kalodhangan ing bumi iki
Banjur disiksa marang Gusti
3. Nyawang tugasku
Ngantuk awan
iki
Luwe ing awan iki
Bakal sirna yen ngerti blegermu
Kang katon morat-marit
Ing duwur ngisor meja iki
Kaya dolan ning awul-awul
Kang sarwa modal-madul
Arupa kaya bakul katul
Sing lagi bali saka Bantul
Yen nyawang jan gawe semrawut tenan
Adhuh tugas…
Bener pancen bisa gawe pinter
Nanging yen
super bisa gawe mblenger
Nganti bisa ngiler-ngiler
Dirubung laler muter-muter.
4. Aku ditanggap
Hoi bapa
ngelmuku
Aja gawe kakuwati ati iki
Yen saben dina kok cidrani
Marang janji-janji sing durung mesthi
Marang pakaryan
kang ora nguwati
Ngerti aku yen panjenengan sekti
Sekti ngelmu sugih aji
Tanpa mantra, tanpa dupa
Nanging mesakna kawula iki
Wis siji tanpa aji
Pancen panjenengan ora mung siji
Aweh tanggungan ngene iki
Ing wektu sing ora suwe iki
Nanging aku ora bisa nulak ara bisa ngapa
Dadi kawula
sarwa ngabekti
Merga urip iki kuwasane Gusti
Ukum iki ya duwene Gusti
Sing paring biji ya Gusti
5. Gurit Panjaluk apura
Tumpuk undhung
Nganti samandha gedhung
Atumpuk undhung
Nganti samandha gunung
Apa ta kuwi?
Duwit, lemah, banda donya, apa raja pati?
Dudu...
Lha apa?
Apa dosa?
Apa dosa iki nganti kaya mangkono kuwi
Sapa kang bisa ngresiki?
Sapa kang bisa ngapurani?
Yen ta ana, kuwi...
Ya mesti sing ngreksani bumi
Kang bisa gawe mari
Gawe tentreming ing jero ati
Kang kebak rasa srei lan drengki iki
Drengki marang kabeh para umate Nabi
Ora menteri ora
abdi
Kabeh padha duweni cidraning ati
Ya ana, ing
ngendi obate ati iki
Supaya ora
kegawa nganti tekane pati
terimakasih geguritannya
ReplyDelete